[image ALT: Much of my site will be useless to you if you've got the images turned off!]
mail:
Bill Thayer 		[image ALT: Cliccare qui per una pagina di aiuto in Italiano.]
Italiano 		[Link to a series of help pages]
Help 		[Link to the next level up]
Up 		[Link to my homepage]
Home
[image ALT: link to previous section]
previous
Chapter 		This webpage reproduces a chapter of
Handbook to the Cathedrals of England
by Richard John King
published by John Murray, Albemarle Street,
Oxford, 1862

the text and engravings of which are in the public domain.

This text has been carefully proofread
and I believe it to be free of errors.
If you find a mistake though,
please let me know!

[image ALT: link to next section]
Note II

p353 Lincoln Cathedral

Part III.
Note I (Part I, Sect. I)

Description of the building of Lincoln Cathedral by St. Hugh:
from the Metrical Life; verses 833‑965.


 
835
 
 
 
 
840
 
 
 
 
845
 
 
 
 
850
 
 
 
 
855
 
 
 
 
860
 
 
 
 
865
 
 
 
 
870
 
 
 
 
875
 
 
 
 
880
 
 
 
 
885
 
 
 
 
890
 
 
 
 
895 		Pontificis vero pontem facit ad Paradisum
Provida religio, provisio religiosa;
Aedificare Sion in simplicitate laborans,
Non in sanguinibus. Et mirâ construit arte
Ecclesiae cathedralis opus: quod in aedificando
Non solum concedit opes, operamque suorum,
Sed proprii sudoris opem; lapidesque frequenter
Excisos fert in calatho, calcemque tenacem.
Debilitas claudi, baculis suffulta duobus,
Illius officium calathi sortitur, inesse
Omen ei credens; successiveque duorum
Indignatur opem baculorum. Rectificatque
Curvum, quae rectos solet incurvare diaeta.
    O gregis egregius, non mercenarius immo
Pastor! Ut ecclesiae perhibet structura novella.
Mater namque Sion dejecta jacebat et arcta,
Errans, ignara, languens, anus, acris, egena,
Vilis, turpis: Hugo dejectam sublevat, arctam
Ampliat, errantem regit, ignaram docet, aegram
Sanat, anum renovat, acrem dulcorat, egenam
Fecundat, vilem decorat, turpemque decorat.
Funditus obruitur moles vetus, et nova surgit;
Surgentisque status formam crucis exprimit aptam.
Tres integrales partes labor arduus unit:
Nam fundamenti moles solidissima surgit
A centro, paries supportat in aera tectum:
Sic fundamentum terrae sepelitur in alvo
Sed paries tectumque patent, ausuque superbo
Evolat ad nubes paries, ad sidera tectum.
Materiae pretio studium bene competit artis.
Nam quasi pennatis avibus testudo locuta,
Latas expandens alas, similisque volanti,
Nubes offendit, solidis innisa columnis.
Viscosusque liquor lapides conglutinat albos,
Quos manus artificis omnes excidit ad unguem
Et paries ex congerie constructus eorum,
Hoc quasi dedignans, mentitur continuare
Contiguas partes; non esse videtur ab arte
Quin a naturâ; non res unita, sed una.
Altera fulcit opus lapidum pretiosa nigrorum
Materies, non sic uno contenta colore,
Non tot laxa poris, sed crebro sidere fulgens,
Et rigido compacta sinu: nulloque domari
Dignatur ferro, nisi quando domatur ab arte;
Quando superficies nimiis laxatur arenae
Pulsibus, et solidum forti penetratur aceto.
Inspectus lapis iste potest suspendere mentes,
Ambiguas utrum jaspis marmorve sit; at si
Jaspes, hebes jaspis; si marmor, nobile marmor.
Inde columnellae, quae sic cinxere columnas,
Ut videantur ibi quamdam celebrare choream.
Exterior facies, nascente politior ungue,
Clara repercussis opponit visibus astra:
Nam tot ibi pinxit varias fortuna figuras,
Ut si picturam similem simulare laboret
Ars conata diu, naturam vix imitetur.
Sic junctura decens serie disponit honestâ
Mille columnellas ibi: quae rigidae, pretiosae,
p354 Fulgentes, opus ecclesiae totale rigore
Perpetuant, pretio ditant, fulgore serenant.
Ipsarum siquidem status est procerus et altus,
Cultus sincerus et splendidus, ordo venustus
Et geometricus, decor aptus et utilis, usus
Gratus et eximius, rigor inconsumptus et acer.

[De fenestris vitreis.]


 
 
900
 
 
 
 
905 		Splendida praetendit oculis aenigmata duplex
Pompa fenestrarum; cives inscripta supernae
Urbis, et arma quibus Stygium domuere tyrannum.
Majoresque duae, tamquam duo lumina; quorum
Orbiculare jubar, fines aquilonis et austri
Respiciens, geminâ premit omnes luce fenestras.
Illae conferri possunt vulgaribus astris;
Haec duo sunt, unum quasi sol, aliud quasi luna.
Sic caput ecclesiae duo candelabra serenant,
Vivis et variis imitata coloribus irim;
Non imitata quidem, sed praecellentia; nam sol,
Quando repercutitur in nubibus, efficit irim;
Illa duo sine sole micant, sine nube coruscant.

[De allegoria singulorum.]

910
 
 
 
 
915 		Haec, descripta quasi pueriliter, allegoriae
Pondus habent. Foris apparet quasi testa, sed intus
Consistit nucleus; foris est quasi cera, sed intus
Est favus; et lucet jucundior ignis in umbrâ.
Nam fundamentum, paries, tectum, lapis albus
Excisus, marmor planum, spectabile, nigrum,
Ordo fenestrarum duplex, geminesque fenestrae,
Quae quasi despiciunt fines aquilonis et austri,
In se magna quidem sunt, sed majora figurant.

[De partibus ecclesiae integrae.]


920 		Est fundamentum corpus, paries horum, tectum
Spiritus; ecclesie triplex divisio. Corpus
Terram sortitur, homo nubes, spiritus astra.

[De albis lapidibus.]

Albus et excisus castos lapis et sapientes
Exprimit: albedo pudor est, excisio dogma.

C [De marmoribus.]


925 		Marmoris effigie, planâ, splendente, nigellâ,
Sponsa figuratur, simplex, morosa, laborans.
Rectè nimirum designat simplicitatem
Planities, splendor mores, nigredo laborem.

[De vitreis fenestris.]


 
930
 
 
 
 
935 		Illustrans mundum divino lumine, cleri
Est praeclara cohors, claris expressa fenestris.
Ordo subalternus utrobique potestque notari;
Ordine canonicus exstante, vicarius imo.
Et quia, canonico tractante negotia mundi,
Jugis et assiduus divina vicarius implet,
Summa fenestrarum series nitet inclita florum
Involucro, mundi varium signante decorem;
Inferior perhibet sanctorum nomina patrum.

[De duabus orbicularibus fenestris.]


 
 
940
 
 
 
 
945 		Praebentes geminae jubar orbiculare fenestrae
Ecclesiae duo sunt oculi; rectèque videtur
Major in his esse praesul, minor esse decanus.
Est aquilo zabulus, est Sanctus Spiritus auster;
Quos oculi duo respiciunt. Nam respicit austrum
Praesul, ut invitet; aquilonem vero decanus,
Ut vitet; videt hic ut salvetur, videt ille
Ne pereat. Frons ecclesiae candelabra coeli,
Et tenebras lethes, oculis circumspicit istis.

[Consummatio totius allegoriae.]

Sic insensibiles lapides mysteria claudunt
Vivorum lapidum, manualis spiritualem
Fabrica designat fabricam; duplexque refulget
Ecclesiae facies, duplici decorata paratu.

[De crucifixo, et tabulâ aureâ in introitu chori.]

950
 
 
 
 
955 		Introitumque chori majestas aurea pingit:
Et proprie propria crucifixus imagine Christus
Exprimitur, vitaeque suae progressus ad unguem
Insinuatur ibi. Nec solum crux vel imago,
Immo columnarum sex, lignarumque duorum
Ampla superficies, obrizo fulgurat auro.

[De Capitulo.]


 
 
 
960
 
 
 
 
965 		Astant ecclesiae capitolia, qualia nunquam
Romanus possedit apex: spectabile quorum
Vix opus inciperet nummosa pecunia Croesi.
Scilicet introitus ipsorum sunt quasi quadra
Porticus; interius spatium patet orbiculare,
Materiâ tentans templum Salomonis et arte.
Si quorum vero perfectio restat, Hugonis
Perficietur opus primi sub Hugone secundo.
Sic igitur tanto Lincolnia patre superbit,
Qui tot eam titulis ex omni parte beavit.

[image ALT: Valid HTML 4.01.]

Page updated: 1 Jun 03