ad litteras mittendas Bill Thayer	English	Italiano	Adjutorium	Sursum	Ostium
LXI‑LXIX Haec pagina telaris liber est operis De Re Rustica Marci Catonis a W. D. Hooper et H. B. Ash editi apud Loeb Classical Library, Londinio, MCMXXXIV Hic textus in dominio publico est. Prima versio textus est, multis certe cum erroribus: quos si invenies te rogo mihi scribere. LXXIV‑XC

Marci Catonis
De Re Rustica
Capitula LXX‑LXXIII

p78 70 Bubus medicamentum. Si morbum metues, sanis dato salis micas tres, folia laurea III, porri fibras III, ulpici spicas III, alii spicas III, turis p80grana tria, herbae Sabinae plantas tres, ruta folia tria, vitis albae caules III, fabulos albos III, carbones vivos III, vini S. III. Haec omnia sublimiter legi teri darique oportet. Ieiunus siet qui dabit. Per triduum de ea potione uni cuique bovi dato. Ita dividito, cum ter uni cuique dederis, omnem absumas, bosque ipsus et qui dabit facito ut uterque sublimiter stent. Vaso ligneo dato.

71 Bos si aegrotare coeperit, dato continuo ei unum ovum gallinaceum crudum; integrum facito devoret. Postridie caput ulpici conterito cum hemina vini facitoque ebibat. Sublimiter terat et vaso ligneo det, bosque ipsus et qui dabit sublimiter stet. Ieiunus ieiuno bovi dato.

72 Boves ne pedes subterant, priusquam in viam quoquam ages, pice liquide cornua infima unguito.

73 Ubi uvae variae coeperint fieri, bubus medicamentum dato quotannis, uti valeant. Pellem anguinam ubi videris, tollito et condito, ne quaeras cum opus siet. Eam pellem et far et salem et serpulum, haec omnia una conterito cum vino, dato bubus bibant omnibus. Per aestatem boves aquam bonam et liquidam bibant semper curato; ut valeant refert.

Images with borders lead to more information. The thicker the border, the more information. (Details here.)
ALTIVS:	de Agricultura	Textus Aevi Classici	LacusCurtius	Ostium
A page or image on this site is in the public domain ONLY if its URL has a total of one *asterisk. If the URL has two **asterisks, the item is copyright someone else, and used by permission or fair use. If the URL has none the item is © Bill Thayer. See my copyright page for details and contact information.