[ALT imaginis: Si imagines extingues, maior pars situs mei inutilis erit!]
ad litteras
mittendas
Bill Thayer 		[ALT imaginis: Click here to go to the English-language version of this page.]
English 		[ALT imaginis: Cliccare qui per una pagina di aiuto in Italiano.]
Italiano 		[Legamen ad varias paginas adiutivas]
Adiutorium 		[Legamen ad paginam superiorem]
Altius 		[Legamen ad ostium meum]
Ostium
[ALT imaginis: imago inanis]

Hac in pagina telari legitur unum ex
Carminibus Minoribus
C. Claudiani
a Loeb Classical Library editum
MCMXXII

cuius textus in dominio publico est.

Quem diligentissime perscrutavi et recensui —
sed si quemlibet errorem invenies, mihi, obsecro, scribe.

[ALT imaginis: imago inanis]

 p262  De crystallo cui aqua inerat.

[link to English translation] XXXIII (LVI)

Possedit glacies naturae signa prioris
    et fit parte lapis, frigora parte negat.
sollers lusit hiems, imperfectoque rigore
    nobilior vivis gemma tumescit aquis.

[link to English translation] XXXIV (LVII)


 
 
 
5 		Lymphae, quae tegitis cognato carcere lymphas,
    et, quae nunc estis quaeque fuistis, aquae,
quod vos ingenium iunxit? qua frigoris arte
    torpuit et maduit prodigiosa silex?
quis tepor inclusus securas vindicat undas?
    interior glacies quo liquefacta Noto?
gemma quibus causis arcano mobilis aestu
    vel concreta fuit vel resoluta gelu?
 p264 

[link to English translation] XXXV (LVIII)


 
 
 
5 		Solibus indomitum glacies Alpina rigorem
    sumebat nimio iam pretiosa gelu
nec potuit toto mentiri corpore gemmam,
    sed medio mansit proditor orbe latex.
auctus honor; liquidi crescunt miracula saxi,
    et conservatae plus meruistis aquae.

[link to English translation] XXXVI (LIX)


 
 
 
5 		Adspice porrectam splendenti fragmine venam,
    qua trahitur limes lucidiore gelu.
hic nullum Borean nec brumam sentit opacus
    umor, sed varias itque reditque vias.
non illum constrinxit hiems, non Sirius axis,
    aetatis spatium non tenuavit edax.

[link to English translation] XXXVII (LX)


 
 
 
5 		Clauditur inmunis convexo tegmine rivus,
    duratisque vagus fons operitur aquis.
nonne vides, propriis ut spumet gemma lacunis
    et refluos ducant pocula viva sinus
udaque pingatur radiis obstantibus Iris,
    secretas hiemes sollicitante die?
mira silex mirusque latex. et flumina vincit
    et lapides merito, quod fluit et lapis est.

[link to English translation] XXXVIII (LXI)


 
 
 
5 		Dum crystalla puer contingere lubrica gaudet
    et gelidum tenero pollice versat onus,
vidit perspicuo deprensas marmore lymphas,
    dura quibus solis parcere novit hiems,
et siccum relegens labris sitientibus orbem
    inrita quaesitis oscula fixit aquis.
 p266 

[link to English translation] XXXIX (LXII)

Marmoreum ne sperne globum: spectacula transit
    regia nec Rubro vilior iste mari.
informis glacies, saxum rude, nulla figurae
    gratia, sed raras inter habetur opes.

[image ALT: Valid HTML 4.01.]

Pagina recensita: XIV Kal. Feb. 04

Accessibility