[ALT imaginis: Si imagines extingues, maior pars situs mei inutilis erit!]
ad litteras
mittendas
Bill Thayer

[ALT imaginis: Click here to go to the English-language version of this page.]
English

[ALT imaginis: Cliccare qui per una pagina di aiuto in Italiano.]
Italiano

[Legamen ad varias paginas adiutivas]
Adiutorium

[Legamen ad paginam superiorem]
Altius

[Legamen ad ostium meum]
Ostium
[ALT imaginis: imago inanis]

Hac in pagina telari legitur una ex
Einsidlensibus Eclogis

a Loeb Classical Library edita
MCMXXXIV (recensitaque MCMXXXV)

cuius textus in dominio publico est.

Quem diligentissime perscrutavi et recensui —
sed si quemlibet errorem invenies, mihi, obsecro, scribe.

[ALT imaginis: imago inanis]

 p330  Incerti Carmina Bucolica
II

Glyceranus: Mystes

[link to English translation] Gl. Quid tacitus, Mystes? My. curae mea gaudia turbant:

cura dapes sequitur, magis inter pocula surgit,

et gravis anxietas laetis incumbere gaudet.

[link to English translation] Gl. non satis accipio. My. nec me iuvat omnia fari.

5 [link to English translation] Gl. forsitan imposuit pecori lupus? My. haud timet hostes

turba canum vigilans. Gl. vigiles quoque somnus adumbrat.

[link to English translation] My. altius est, Glycerane, aliquid, non quod patet:​1 erras.

[link to English translation] Gl. atquin turbari sine ventis non solet aequor.

[link to English translation] My. quod minime reris, satias mea gaudia vexat.

10  p332  [link to English translation] Gl. deliciae somnusque solent adamare querellas.

[link to English translation] My. ergo si causas curarum scire laboras —

[link to English translation] Gl. quae spargit ramos, tremula nos vestiet umbra

ulmus, et en tenero corpus summittere prato

herba iubet: tu dic, quae sit tibi causa tacendi.

15 [link to English translation] My. cernis ut attrito diffusus cespite pagus​2

annua vota ferat sollennesque incohet​3 aras?

spirant templa mero, resonant cava tympana palmis,

Maenalides teneras ducunt per sacra choreas,

tibia laeta canit, pendet sacer hircus ab ulmo

20 et iam nudatis cervicibus exuit exta.

ergo num​4 dubio pugnant discrimine nati

et negat huic aevo stolidum pecus aurea regna?

Saturni rediere dies Astraeaque virgo

tutaque​5 in antiquos redierunt saecula mores.

25 condit secura totas spe messor aristas,

languescit senio Bacchus, pecus errat in herba,

nec gladio metimus nec clausis oppida muris

bella tacenda parant; nullo iam noxia partu

femina quaecumque est hostem parit. arva iuventus

30  p334  nuda fodit tardoque puer domifactus aratro

miratur patriis pendentem sedibus ensem.

est​6 procul a nobis infelix gloriae Sullae

trinaque tempestas, moriens cum Roma supremas

desperavit <opes>7 et Martia vendidit arma.

35 nunc tellus inculta novos parit ubere fetus,

nunc ratibus tutis fera non irascitur unda;

mordent frena tigres, subeunt iuga saeva​8 leones!

casta fave Lucina: tuus iam regnat Apollo!


Adnotationes Editoris:

1 non quod patet Baehrens: non non pat̅ E.

2 cespite pagus Baehrens: cortice fagus E.

3 inchoet Baehrens: imbuet E: imbuat Hagen: induat Peiper.

4 nunc Baehrens: num E.

5 tutaque Baehrens: totaque E.

6 est Baehrens: sed E.

7 opes add. Peiper: om. E.

8 sueta Baehrens: sęva E.


[image ALT: Valid HTML 4.01.]

Pagina recensita: XVI Kal. Mart. 09