From Porphyrii De abstinentia ab esu animalium, Περὶ ἀποχῆς ἐμψύχων, in the translation of Holstenius (Cambridge: 1653), pp. 172-173.
19. Parum abfuit quin Euripidis quoddam dictum in medium ponere oblitus fuissem, qui Jovis in Creta vates animalibus abstinere his verbis ostendit. (Loquuntur autem qui in choro introducuntur ad Minöem)
Tyriæ magno Phoenice satæ
Genus Europæ, summique Jovis,
O qui Cretæ
Centena per oppida regnas,
Sacra advenio templa relinquens,
Quas prisca domos dedit indigena
Quercus Chalybea secta bipenni,
Taurique sibi glutine jungens
De vera tigna cupressu.
Puram vitam ducimus, ex quo
Factus magni sum mysta Jovis,
Et Noctivagi vitam Zagrei,
Et crudivoras claudens epulas,
Jacto mater tibi magna faces,
Et Curetum dici incipio
Sacratus rite Sacerdos:
Niveosque gerens habitus, fugio
Partus hominum, quæque sepultos
Monumenta tenent, nullaque utor
Dape quæ venit ex animante.