ΟΝΑΣΑΝΔΡΟΥ
ΣΤΡΑΤΗΓΙΚΟΣ

 p402  VII. [Περὶ τοῦ ὅταν​1 διὰ στενῶν μέλλῃ τὸ στρατόπεδον ἄγειν]​2

1 Ἐπειδὰν δὲ ἤτοι​3 διὰ στενῶν μέλλῃ​4 ποιεῖσθαι τὴν​5 πάροδον ἢ δι’ ὀρεινῆς καὶ δυσβάτου  p404 χώρας ἄγειν τὸν στρατόν,​6 ἀναγκαῖον προεκπέμποντά τι μέρος τῆς δυνάμεως προκαταλαμβάνεσθαι τάς τε ὑπερβολὰς καὶ τὰς τῶν στενῶν παρόδους, μὴ φθάσαντες οἱ πολέμιοι καὶ καταστάντες ἐπὶ τῶν ἄκρων κωλύσωσι τὴν διεκβολὴν ποιεῖσθαι. 2 τὸ δ’ αὐτὸ πεφροντίσθω,​7 κἂν αὐτὸς​8 δεδίῃ πολεμίων εἰσβολήν· οὐ γὰρ δὴ​9 δρᾶσαι μὲν χρήσιμον, φυλάξασθαι δὲ παθεῖν​10 οὐκ ἀναγκαῖον, οὐδὲ φθάσαι μὲν αὐτοὺς εἰσβαλόντας​11 εἰς τὴν πολεμίαν ἐπεῖγον, ἀποκλεῖσαι​12 δὲ​13 τοὺς ἐναντίους​14 ἐπὶ σφᾶς ἰόντας οὐ προνοητέον.

VIII. [Περὶ τοῦ ποιεῖν χάρακα]​15

1 Ἐν δὲ δὴ​16 τῇ τῶν ἐχθρῶν καταστρατοπεδεύων​17 χάρακα περιβαλέσθω​18 καὶ τάφρον, κἂν​19 ἐφ’ ἡμέραν μέλλῃ τὴν παρεμβολὴν θήσειν· ἀμετανόητος γὰρ ἡ τοιαύτη καὶ ἀσφαλὴς​20 στρατοπεδεία διὰ τὰς αἰφνιδίους καὶ ἀπρολήπτους​21 ἐπιβολάς.​22 καθιστάτω δὲ φύλακας,​23 κἂν μακρὰν εἶναι νομίζῃ τοὺς πολεμίους, ὡς ἐγγὺς ὄντων.​24 2 ὅποι​25 δ’ ἂν μέλλῃ​26 πολυχρόνιον τίθεσθαι τὴν παρεμβολὴν οὐκ ἀντεπιόντων​27 τῶν πολεμίων, ἐπὶ​28 τῷ φθείρειν τὴν χώραν ποιούμενος τὴν μόνην​29 ἢ καὶ​30 καιροῖς ἐφεδρεύων​31 βελτίοσιν,32  p406 ἐκλεγέσθω χωρία μὴ ἑλώδη​33 μηδὲ νοτερά·​34 τὰ γὰρ τοιαῦτα ταῖς ἀναφοραῖς καὶ ταῖς ἀπὸ τῶν τόπων δυσωδίαις νόσους καὶ λοιμοὺς ἐμβάλλει στρατεύμασι,​35 καὶ πολλῶν μὲν ἐκάκωσε τὰς εὐεξίας, πολλοὺς δὲ ἀπώλεσεν, ὥστε μὴ μόνον ὀλίγον, ἀλλὰ καὶ ἀσθενὲς ἀπολείπεσθαι στράτευμα.36

IX. [Περὶ τοῦ συνεχῶς ὑπαλλάσσειν τὰ ἄπληκτα]​37

1 Χρήσιμον δέ που καὶ σωτήριον στρατοπέδῳ μηδ’ ἐπὶ τῆς αὐτῆς μένειν παρεμβολῆς, ἐὰν μὴ χειμαδεύῃ καὶ τοῖς σκηνώμασι διὰ τὴν ὥραν τοῦ καιροῦ πεπολισμένη τυγχάνῃ· αἱ γὰρ​38 τῶν ἀναγκαίων ἐκκρίσεις​39 ἐπὶ τῶν αὐτῶν γιγνόμεναι​40 χωρίων ἀτμοὺς διεφθορότας ἀναπέμπουσαι συμμεταβάλλουσιν καὶ τὴν τοῦ περιέχοντος ἀέρος χύσιν. 2 ἐν δὲ ταῖς χειμασίαις​41 γυμναζέτω τὰ στρατόπεδα καὶ πολεμικὰ καὶ σύντροφα​42 ποιείσθω τοῖς δεινοῖς, μήτ’ ἀργεῖν ἐὼν​43 μήτε ῥᾳθυμεῖν· ἡ μὲν γὰρ ἀργία τὰ σώματα μαλθακὰ καὶ ἀσθενῆ κατεσκεύασεν, ἡ δὲ ῥᾳθυμία τὰς ψυχὰς ἀνάνδρους καὶ δειλὰς ἐποίησεν· αἱ γὰρ ἡδοναὶ δελεάζουσαι τῷ καθ’ ἡμέραν συνήθει τὰς ἐπιθυμίας διαφθείρουσι καὶ τὸν εὐτολμότατον.​44 3 ὅθεν οὐ μακρὰν ἀπάγειν​45 τοὺς ἄνδρας τῶν πόνων· ἐπειδὰν γὰρ μετὰ χρόνον ἀναγκάζωνται​46 πρὸς τὰ πολεμικὰ χωρεῖν, οὐθ’​47 ἡδέως ἐξίασιν οὔτ’ ἐπὶ πολὺ  p408 μένουσιν,​48 ἀλλ’ ἐκδεδιῃτημένοι​49 ταχὺ μὲν ὀρρωδοῦσι, πρὶν ἢ καὶ πείρασαι τὰ δεινά, ταχὺ δὲ καὶ​50 πειράσαντες ἀποχωροῦσιν, οὔτ’ ἐλπίζειν οὔτε φέρειν τοὺς κινδύνους δυνάμενοι.

---

The Loeb Editor's Notes:

1 ὅτε v.

2 Title om. by F: in marg. GH.

3 εἴτε vGH.

4 Köchly (v?): μέλλει FGH.

5 Added by Koraes.

6 FGH: στρατηγὸν P and "MSS. quidam" Schwebel.

7 πεφροντήσθω or ‑είσθω F m1 corr. by m2.

8 FC and perhaps others: om. PGH.

9 FEN and perhaps others: δεῖ GH (v?).

10 μὴ παθεῖν vGH.

11 F (and conj. by Koraes): εἰσβάλλοντας vGH Köchly.

12 ἀποκλεῖσθαι Mm2: ἀποκεκλεῖσθαι EN.

13 μὲν F.

14 πολεμίους vGH.

15 Title om. F: in margin GH.

16 Om. F.

17 καταστρατοπεδευόντων F.

18 περιβαλλέσθω vGH.

19 F (and conj. by Koraes): ἂν vGH.

20 ἀσφαλεῖς H.

21 απροσλήπτους C; ἀπροσδοκήτους vGH.

22 F (and conjecture of Schwebel): ἐπιβουλάς Ω.

23 φυλακάς Koraes and Köchly.

24 FC: ὄντας vGH.

25 ὅπου vGH.

26 R: μέλλοι Ω.

27 οὐ κατεπιόντων P: οὐκατεπιόντων G: οὐ | κάτἐπιόντων H: οὐ κατεπειγόντων EN.

28 ἢ ἐπὶ vGH.

29 νομὴν ENR.

30 FPGH: om. v.

31 ἐφεδρευόντων F.

32 βελτίοσον H.

33 FEN: ελλώδη PRGH.

34 Köchly: μηδὲ (μὴ δὲ FGH) νοσερά· Ω.

35 τοῖς στρατεύμασιν vGH.

36 τὸ στράτευμα vGH.

37 Title om. by F: in margin GH. ἄπληκτον is a Byzantine word unknown earlier; see Du Cange and Sophocles.

38 Om. P.

39 FCEN: ἐγκρήσεις P: ἐκρήσεις GH: ἐπικρίσεις R.

40 γιγνόμενοι F.

41 B and Schwebel: χειμαδίαις Ω: τοῖς χειμαδίοις Koraes.

42 σύστροφα vGH.

43 ἑκόντα R: ἔχων corr. to ἕκων A m2.

44 εὐτολμώτατον P.

45 ἐπάγειν ENM (margin): ἐπείγειν PGH. Köchly suggests the addition of δεῖ.

46 ἀναγκάζονται GH.

47 οὐχ vGH.

48 μένουσιν F.

49 FEN (and M by conj.): ἐκδεδιτιτημένοι P: ἐκδεδιηττημένοι GH: ἐκδεδιττομένοι R.

50 Om. vGH.

◂ previous						next ▸
Images with borders lead to more information. The thicker the border, the more information. (Details here.)
ΑΝΩ:		Onasander	Ἀρχαία Στρατιωτική Ἱστορία	Στρατιωτικὴ Ἱστορία	Εἴσοδος
			Κλασικά Κείμενα	ΛακουσΚούρτιος
A page or image on this site is in the public domain ONLY if its URL has a total of one *asterisk. If the URL has two **asterisks, the item is copyright someone else, and used by permission or fair use. If the URL has none the item is © Bill Thayer. See my copyright page for details and contact information.