ad litteras
mittendas Bill Thayer |
English |
Italiano |
Adiutorium |
Altius |
Ostium |
|||
|
XXXI (XL)Orphea cum primae sociarent numina taedae ruraque conpleret Thracia festus Hymen, certavere ferae picturataeque volucres, dona suo vati quae potiora darent, 5 quippe antri memores, cautes ubi saepe sonorae praebuerant dulci mira theatra lyrae. Caucasio crystalla ferunt de vertice lynces, grypes Hyperborei pondera fulva soli. furatae Veneris prato per inane columbae 10 florea conexis serta tulere rosis, fractaque nobilium ramis electra sororum cycnus oloriferi vexit ab amne Padi, et Nilo Pygmaea grues post bella remenso ore gerunt Rubri germina cara maris. 15 venit et extremo Phoenix longaevus ab Euro adportans unco cinnama rara pede. nulla avium pecudumque fuit, quae ferre negaret vectigal meritae conubiale lyrae. Tunc opibus totoque Heliconis sedula regno 20 ornabat propriam Calliopea nurum. p258 ipsam praeterea dominam stellantis Olympi ad nati thalamos ausa rogare parens. nec sprevit regina deum vel matris honore vel iusto vatis ducta favore pii, 25 qui sibi carminibus totiens lustraverat aras Iunonis blanda numina voce canens proeliaque altisoni referens Phlegraea mariti, Titanum fractas Enceladique minas. ilicet adventu noctem dignata iugalem 30 addidit augendis munera sacra toris, munera mortales non admittentia cultus, munera, quae solos fas habuisse deos. sed quod Threicio Iuno placabilis Orphei, hoc poteris votis esse, Serena, meis. 35 illius expectent famulantia sidera nutum; sub pedibus regitur terra fretumque tuis. non ego, cum peterem, sollemni more procorum promisi gregibus pascua plena meis, nec, quod mille mihi lateant sub palmite colles 40 fluctuet et glauca pinguis oliva coma, nec, quod nostra Ceres numerosa falce laboret aurataeque ferant culmina celsa trabes. suffecit mandasse deam: tua littera nobis et pecus et segetes et domus ampla fuit. 45 inflexit soceros et maiestate petendi texit pauperiem nominis umbra tui. quid non perficeret scribentis voce Serenae vel genius regni vel pietatis amor? Atque utinam sub luce tui contingeret oris 50 coniugis et castris et solio generi p260 optatum celebrare diem! me iungeret auspex purpura, me sancto cingeret aula choro. et mihi quam scriptis desponderat ante puellam, coniugiis eadem pronuba dextra daret. 55 nunc medium quoniam votis maioribus aequor invidet et Libycae dissidet ora plagae, saltem absens, regina, fave reditusque secundos adnue sidereo laeta supercilio. terrarum tu pande vias, tu mitibus Euris 60 aequora pacari prosperiora iube, |
Images with borders lead to more information.
The thicker the border, the more information. (Details here.) |
||||||
ALTIVS: |
Carmina Minora |
Claudianus |
Textus Aevi Classici |
LacusCurtius |
Ostium |
|
A page or image on this site is in the public domain ONLY if its URL has a total of one *asterisk. If the URL has two **asterisks, the item is copyright someone else, and used by permission or fair use. If the URL has none the item is © Bill Thayer. See my copyright page for details and contact information. |
Pagina recensita: VI Id. Aug. 07