ad litteras mittendas Bill Thayer	English	Italiano	Adiutorium	Altius	Ostium
Haec pagina telaris liber est operis C. Suetonii Tranquilli a Loeb Classical Library editi MCMXIV Hic textus in dominio publico est. Textum quam diligentissime perscrutavi et recensui — sed si quemlibet errorem invenies, mihi, obsecro, scribe.

 p506  Suetonius, Vita Passieni Crispi​1

Passienus​2 Crispus, municeps Viselliensis,​3 tirocinio suo in senatu ita coepit: "Patres conscripti et tu Caesar!" propter quod simulata oratione​4 plenissime a Tiberio conlaudatus est.​5 Plurimas sponte causas apud centumviros egit, pro qua re in basilica Iulia eius statua posita est. Consulatus duos gessit. Uxores habuit duas, primam Domitiam, deinde Agrippinam, illam amitam, hanc matrem Neronis Caesaris. Possedit bis milies sestertium. Omnium principum gratiam adpetivit, sed praecipue C.​6 Caesaris, quem iter facientem secutus est pedibus. Hic nullo audiente ab Nerone​7 interrogatus, haberetne sicut ipse cum sorore germana consuetudinem, "Nondum" inquit, quantumvis decenter et caute, ne aut negando​8 eum argueret aut adsentiendo​9 semet mendacio dehonestaret. Periit per fraudem Agrippinae, quam heredem reliquerat, et funere publico elatus est.

Adnotationes Editoris:

1 Sigla: P = cod. Montepessulanus, 125, formerly Pithoeanus, ninth century; S = cod. Sangallensis, 870, ninth century.

❦

2 Passienus, added by Reiff.

❦

3 municeps Viselliensis, omitted by Reiff.

❦

4 simulata oratione, Jahn; simuloratione, PS; simulatione, Pithoeus.

❦

5 est, added by Jahn.

❦

6 C., added by Lipsius.

❦

7 Caesare, Reiff.; the reference is to Gaius Caligula.

❦

8 negando, Lipsius; negantem, PS; negans, Pithoeus.

❦

9 adsentiendo, Lipsius; adsentientem, PS; adsentiens, Pithoeus.

Images with borders lead to more information. The thicker the border, the more information. (Details here.)
ALTIVS:	Suetonii ostium	Textus Aevi Classici	LacusCurtius	Home
A page or image on this site is in the public domain ONLY if its URL has a total of one *asterisk. If the URL has two **asterisks, the item is copyright someone else, and used by permission or fair use. If the URL has none the item is © Bill Thayer. See my copyright page for details and contact information.