ad litteras mittendas Bill Thayer	English	Italiano	Adiutorium	Altius	Ostium
Haec pagina telaris liber est operis C. Suetonii Tranquilli a Loeb Classical Library editi MCMXIV Hic textus in dominio publico est. Textum quam diligentissime perscrutavi et recensui — sed si quemlibet errorem invenies, mihi, obsecro, scribe.

 p500  Suetonius
Vita Lucani

M. Annaeus Lucanus Cordubensis​1 prima ingenii experimenta in "Neronis laudibus" dedit quinquennali certamine, dein​2 "Civile Bellum," quod a​3 Pompeio et Caesare gestum est, recitavit,​4 ut praefatione quadam aetatem et initia sua cum Vergilio comparans ausus sit dicere:

Hic initio adolescentiae, cum ob infestum matrimonium patrem suum ruri agere longissime cognovisset * * * Revocatus Athenis a Nerone cohortique amicorum additus atque etiam quaestura honoratus, non tamen permansit in gratia. Siquidem aegre ferens, recitante​5 se subito ac nulla nisi refrigerandi sui causa indicto senatu recessisse,​6 neque verbis adversus principem neque factis exstantibus​7 post haec temperavit, adeo ut quondam in latrinis publicis  p502 clariore cum strepitu​8 ventris emissi​9 hemistichium Neronis magna consessorum fuga pronuntiarit:

Sed et famoso carmine cum ipsum tum potentissimos amicorum gravissime proscidit. Ad extremum paene signifer Pisonianae coniurationis exstitit, multus​10 in gloria tyrannicidarum palam praedicanda​11 ac plenus minarum, usque eo intemperans ut Caesaris caput​12 proximo cuique iactaret. Verum detecta coniuratione nequaquam parem animi constantiam praestitit; facile enim confessus et​13 ad humillimas devolutus preces matrem quoque innoxiam inter socios nominavit, sperans impietatem sibi apud parricidam principem profuturam. Impetrato autem mortis arbitrio libero codicillos ad patrem corrigendis quibusdam versibus suis exaravit, epulatusque largiter brachia ad secandas venas praebuit medico. Poemata eius etiam praelegi memini, confici vero ac proponi venalia non tantum operose et diligenter sed inepte quoque.

Adnotationes Editoris:

1 M. . . . Cordubensis, MB; omitted by P.

❦

2 Hosius indicates a lacuna after dein.

❦

3 a, Baumgarten-Crusius; cum, MSS.

❦

4 Hosius indicates a lacuna after recitavit; the codex Berolinensis, 35 has sub tantae levitatis et immoderatae linguae fuit.

❦

5 Reiff. and Hosius insert quod Nero se before recitante.

❦

6 recessisset, MP (Reiff., Hosius).

❦

7 exstantibus, M; excitantibus, Jahn, Hosius.

❦

8 strepitu, B; crepitu, P; trepitu, M.

❦

9 Regarded by Reiff. as due to dittography.

❦

10 multus, Omnibonus; multis, MSS.

❦

11 praedicanda, some late MSS.; praedicenda, MBP.

❦

12 Genthe marks a lacuna; so Francken.

❦

13 ut, MP; omitted by B.

Images with borders lead to more information. The thicker the border, the more information. (Details here.)
ALTIVS:	Suetonii ostium	Textus Aevi Classici	LacusCurtius	Home
A page or image on this site is in the public domain ONLY if its URL has a total of one *asterisk. If the URL has two **asterisks, the item is copyright someone else, and used by permission or fair use. If the URL has none the item is © Bill Thayer. See my copyright page for details and contact information.